Сургалтын хөтөлбөр

Мэдээллийн үнэн эсэхийг ул суурьтай эргэцүүлэх, мэдээлэл болон эх сурвалжийн найдвартай байдлыг үнэлэх, логик задлал хийх, төөрөгдөл, гажуудлыг таних, зайлсхийх ур чадварт суралцана.

Яагаад энэ сургалт гэж?

Аливааг нухацтай, ул суурьтай шинждэг иргэд болон эрх чөлөөт, тогтвортой, хүртээмжтэй нийгэм бий болгоход хувь нэмэр оруулах нь дамжиггүй. Ингэхдээ дараах 4C гэх бүтцийг зураглав.

Core knowledge – Суурь мэдлэг, мэдээллийн ил тод, хүртээмжтэй байдлыг хангах. Ингэснээр бидний бодож сэтгэж буй зүйл илүү шимтэй байх юм. Цуу яриа, тамхины цэгийн хов живээр чухал шийдвэр гаргахгүй.
Critical thinking – Нухацтай сэтгэлгээнд суралцаж, суурь мэдлэгээ ашиглан бүтээлч мэтгэлцэх. Ингэснээр асуудлыг бүтээлчээр харж, хэлэлцэж сурах юм.
Consensus building – Нухацтай мэтгэлцээний үр дүнд харилцан тохиролцсон дундын үнэт зүйл, зөвшилцөлтэй болно. Зөвшилцөл итгэлцэл бий болох үндсэн суурь юм.
Collaboration – Нэг нэгэндээ итгэдэг, ижил үнэт зүйлтэй тохиолдолд бид үр дүнтэй хамтран ажиллаж чадна.