Бидний тухай

Thinkers гэж хэн бэ?

Суурь мэдлэг, нухацтай сэтгэлгээг түгээн дэлгэрүүлэх эрмэлзэлтэй Чөлөөт Бичээчид бүлгэмийн залуус юм. Бид одоогоор Нухацтай сэтгэлгээ ном, сургалт болон контентийг санал болгож байна.

Яагаад Thinkers-г эхлүүлсэн бэ?

Аливааг нухацтай, ул суурьтай шинждэг иргэд болон эрх чөлөөт, тогтвортой, хүртээмжтэй нийгэм бий болгоход хувь нэмэр оруулах зорилготой энэхүү төслийг эхлүүлсэн юм.  Ингэхдээ дараах 4C зарчмын хүрээнд ажиллаж байна.

    1. Core knowledge – Суурь мэдлэг, мэдээллийн ил тод, хүртээмжтэй байдлыг хангах
    2. Critical thinking – Нухацтай сэтгэлгээнд суралцаж, суурь мэдлэгээ ашиглан бүтээлч мэтгэлцэх
    3.  Consensus building – Нухацтай мэтгэлцээний үр дүнд харилцан тохиролцсон дундын үнэт зүйл, зөвшилцөлтэй болох
    4. Collaboration – Бие биетэйгээ маш амархан ойлголцож, итгэж эхэлсэнээр хамтран ажиллаж чадна.

Яагаад нухацтай сэтгэлгээ гэж?

Худал ташаа мэдээлэл газар авч, шийдвэр гаргахад улам төвөгтэй болж буй эрин үед нухацтай сэтгэлгээтэй байх нь ус, агаар мэт чухал байна. Нухацтай сэтгэлгээ нь найдвартай мэдээлэлд үндэслэн оновчтой шийдвэр гаргах, бүтээлч мэтгэлцэх, утга учиртай харилцах чадвар гээд бүхий л зөөлөн ур чадварын үндэс болж байна. Иймд хүн бүр нухацтай сэтгэж, ул суурьтай бодож, илүү логик сэтгэлгээтэй болсноор өнөөгийн нийгмийн олон асуудлыг хамтдаа шийдэж чадна гэсэн итгэлээр нухацтай сэтгэлгээг түгээн дэлгэрүүлэхээр шамдан ажиллаж байна.